CHAIDH Carol Ann Duffy ainmeachadh mar a' chiad bhana-bhàrd-cùirte bho chaidh an dreuchd a stèidheachadh bho chionn còrr is 300 bliadhna. Rugadh Ms Duffy ann an Alba agus mar sin thathas ag ràdh gur ise cuideachd a' chiad bhàrd-cùirte Albannach riamh – dhiùlt Walter Scott an urram ann an 1813.
THÀINIG iomairt an airm Bhreatannaich ann an Iraq gu crìch oifigeil agus saighdearan a-nis a' dèanamh deiseil airson tilleadh dhan RA. Chaill 179 saighdearan am beatha bho thòisich riaghaltas na RA air feachdan armaichte a chur do dh'Iraq ann an coga
dh a bha mi-laghail a rèir mòran.
NOCHD fianais bho na Dùthchannan Aonaichte gu bheil riaghaltas Sri Lanka ag amas sligean a dh'aona ghnothaich air baile Mulattivu far a bheil 50,000 sìobhaltach Tamaileach gan glacadh. Tha mu 6,500 sìobhaltach air bàsachadh bho tòisich an ionnsaigh as ùire aig an riaghaltais an aghaidh nan Tìgearan Tamaileach a tha a' sireadh stàit neo-eisimileach do na Tamalaich, saor on luchd riaghlaidh Sinhal.
GUS an deicheamh ceann-bliadhna aig Pàrlamaid na h-Alba a chomharrachadh, thathar a' sireadh earrann sgrìobhte co-cheangailte ri Alba a thèid a snaigheadh air balla an togalaich. Faodar molaidhean ann an Gàidhlig, Beurla no Beurla Ghallda a chur gu www.parlamaid-alba.org/canongatewall.
THA Art MacCarmaig, Cathraiche Bhòrd na Gàidhlig, air iarraidh air Banca Rìoghail na h-Alba gabhail ri seicichean a tha sgrìobte sa Ghàidhlig às dèidh dhaibh diùilteadh gabhail ri seic sa Ghàidhlig anns a' mheur aca ann an Steòrnabhagh. Tha Mgr MacCarmaig a-nis a' sireadh chòmhraidhean leis a' bhanca.
ANNS an airtigeal "Mar a dh'ionnsaicheas clann òrain" an t-seachdain sa chaidh bha mearachd san t-seòladh làraich-lìn a thug sinn seachad a thaobh an DVD/CD Dè an-Diugh? Se an seoladh ceart www.portree-pri.highland.sch.uk
The full article contains 345 words and appears in The Scotsman newspaper.
