Published Date:
17 May 2008
CHAOCHAIL coidse ainmeil Celtic, Tommy Burns, 51, a bha fulang dà bhliadhna le aillse.
A RÉIR aithisg on Oll. Mark Shucksmith, bu chòir cur ás do Chomisean nan Croitearan agus daoine a chumail bho bhith a' reic an cuid chroitean.
AN DÉIDH aithrisean a thighinn á ceàrnaidhean iomallach Sìona far an do lean crithean-talmhainn nas lugha an té mhór Di-Luain, tha àireamh nam marbh air éirigh gu lethcheud mìle.
THA Bòrd Margaidheachd Clòimh Bhreatainn an dùil gun éirich prìsean clòimhe eadar 200 agus 600 ás a' cheud am-bliadhna.
THUIRT Mìcheal Ruiseal, Ministear na h-Àrainneachd, gu bheil an Riaghaltas deònach oighreachd Taobh Siar na Hearadh a reic ri muinntir an àite.
THÉID an dàrna cuairt de thaghadh ceann-suidheil Zimbabwe a chumail air 27 Ògmhios. Bidh Raibeart Mugabe, 84, a' feuchainn ri a ghreim air cumhachd a chumail ged a tha atmhorachd a' ruith aig 165,000 ás a' cheud.
A' LEANTAIL co-dhùnadh Àrd Chùirt Shasainn, bidh aig buill phàrlamaid Westminster ri cosgaisean dàrna dachaighean a chur am follais bho seo air adhart.
-
Last Updated:
16 May 2008 11:49 PM
-
Source:
The Scotsman
-
Location:
Edinburgh
